55歲的"少女"

講開我老豆點對梁師奶，早兩日睇電視見到阿旦對伍姑娘呵護備至時，梁師奶有感而發咁話：你老豆初初結婚時好細心架，成日偷偷地塞d錢入我銀包。因為我時時唔知自己銀包無乜錢，又過對面海返工。當時無提款卡呢家野，你老豆咪要偷偷地make sure我唔會無錢返屋企囉。

正當佢懷念中，點知比我搶白：你咁醜都好意思講出黎既？身為一個成年人，連出門前確定自己荷包夠唔夠cash呢d咁基本既野都要依賴人，呢d咁反面既教材，仲要懶自豪咁同個女曬!!

自從師奶19歲嫁我老豆以黎，佢就好似d冰封屍體咁，無再長大過(心智上)。

直到最近呢一年，梁師奶先至叫做識舞個DVD機既remote。佢個女我中學時都識駁AV線啦。依賴至此，臨老至被迫獨立，都唔知算係幸福定不幸。