過左17000喇

唔係我戶口(係就大鑊啦)，係恆指。香港5年來未試過咁高。5號仔匯豐都升到癲啦，由一個月前$128升左差不多$10股。

如果我Daddy仲在生，佢一定會教我邊隻至係佢心水。以前太依賴老豆，我只係收佢instruction做野。梁師奶d婦人意見唔多可信......自問都係懶得要成日留意個市(就係比我老豆話鬼，成日掛住追星，d會賺錢既野就唔學!)；真係睇怕要的起心肝做少少改變喇。

本來同朋友實牙實齒咁話上個禮拜會過17000，但一直好唔爭氣咁徘徊16800-16900。比人笑左足足一個多星期。

不過而家個市咁熱，會唔會好似十多年前中學時，個市泡沫得滯，來個丁蟹效應大瀉架？!

趁而家咁高，第一件事或者應該考慮賣掉睇著恆指上落既盈富基金。