4/24 台北喪食之旅 - 喫茶篇

一日之內去左兩間茶館，真係有ｄ阿太feel.....

話說食完冰之後Annie猛話好凍，我諗佢本身寒底唔受得咁生冷掛。我一話"不如打邊爐啦"真係嚇親佢地！路經一間好可愛既"阿爾卑斯花園"，就入去整杯花茶等Annie暖一暖個胃。

裡面主要serve花草茶。但佢地改ｄ名好鬼抵死，我叫左個"成功戰痘茶"，呢幾日食咁多煎炸野，希望對ｄ痘痘有幫助啦。

之後行左一段東區地下街，再hea上忠孝敦化一間叫"一茶一坐"既台式茶店。因為之後仲要留肚食buffet，所以揀左個北薑紅棗茶。經Annie提點，原來加少少附設既糖漿，會更吊起薑既辣味。