4/24 台北喪食之旅 - 永康公園篇

永康其實唔近捷運站，要由忠孝新生坐小黃(即台灣的士，因為全車黃色，所以當地人叫小黃)去。朝早仲落大雨添! 點解會去？因為有鼎泰豐總店同冰館。

之前幾次去台北都係去忠孝敦化既新店，聽講老店永遠大排長龍就怕怕。今次特地11am前到，所以唔駛排直上2樓。食唔到總店同新店有乜分別；不過都係非常美味。

奶奶同阿丁離隊返光華補飛掃vcd同舊書。我地4條女行去後面冰館食最出名既芒果冰同綜合冰(因為夏天無淨草莓冰)。加左淡煉奶既芒果冰，真係好得。食冰對我毫無難度。小朋友唔好亂學呀，叔叔係有練過架，哇哈哈!!