潮爆姐弟戀？!

因為無記一套"女人唔易做"，阿林鋒同吳美珩呢段相差7年姐弟戀，而突然攪到姐弟戀係一種至潮既行為咁。連呢一期東仔都quote左既段姐弟戀個案做封面。最為人熟悉都莫過於白姐姐同謝超人律師呢一對出位忘年戀。

其實拍拖真係兩個人既事(當然去到談婚論嫁，家人反對既壓力又唔可能完全當無到)；最緊要相處夾唔夾。老豆同梁師奶年齡就相差20年之多，誇張d講句，我老豆比婆婆仲大幾個月!!當年排除其他人壓力而結婚，都修成正果做左30多年夫妻啦。

呢d野，日日身邊你我他都發生緊。無乜特別。唔通真係一套電視劇既渲染，可以令到一d平常野變成潮流？(咁我撈22歲既"搭得杯落"都唔算搭細路啦，哇哈哈!)

香港真乜都一窩蜂，早兩個月就興"斷背同志"，家陣就話結婚女大男小近年升至17%咁都話係潮。呢幾年乳癌肺癌之類個案都有增無減，而且催年輕化；唔通生乳癌都係潮？