縱容

細佬自從3個月前由Sony轉左去馬會，training完就調去慈雲山舖做"掃把"。

佢近排成日話對上個branch manager因為唔抵得調走個舊將，調個新人(我細佬)黎，所以處處針對佢；連probation都延長一個月。

梁師奶今晚聽到佢話人地迫佢裝香比關帝，我細佬話自己係基督徒而拒絕；打算就係咁而叫佢星期一遞信喎。

大佬，我都唔明，家陣有乜咁大件事呢？賽馬都算係偏門，拜關帝都好正常啫。佢大少爺份份工都話辛苦，份份都同ｄ同事夾唔黎，我覺得有問題既絕對係佢囉。

與其話我條路比細佬順好多係因為好彩，咁不如話係性格決定命運啦。

就係梁師奶咁縱容佢，先至令佢咁唔挨得。

每個人打工都唔會樣樣順心架啦。我舊老細比公司一夜兜走，換阿Paul上場，我一句都無同屋企講過。反正佢地又幫唔到我，反而問長問短。自己既問題，永遠都只有自己可以解決；逃避唔係辦法。

真係唔好話我呢個做家姐既睇唔起自己細佬......