同隻蟹搏鬥左半粒鐘
本來今晚9-10pm有個美國host既Webex Telecon，但因為唔係太直接關我事，都係比Annie引誘到寧願出黎食飯，荒廢事業.....哈哈哈哈哈。

阿丁都好神心由天水圍出黎陪我地癲。三條女去駱克道東園，叫套餐又太多，唯有散叫。其實我地整左隻片皮鴨都真係有ｄ變態，淨係幾塊餅皮落肚都飽左半啦。

大閘蟹出爐，Annie呢個"蟹痴"當然唔會放過。$38一隻有4兩多；比起去年既迎囍，東園呢隻ｄ膏算靚ｄ。不過我自問真係唔多鍾意食蟹，因為每次人地食完晒抹手，我都仲同隻蟹搏鬥到難捨難離。食完唔飽，對手都攰啦。

同場加送犯眾憎既大Joe(倪震)；撻住對涼鞋，一附麻甩相。