偷運炸魚皮

去咁多次稻香打邊爐，次次都話佢d炸魚皮又厚又硬，但又次次都會邊鬧邊食。今晚預祝Connie生日又去皇室堡稻香，反正答應過班女再著多次條低胸吊帶出黎，要先返屋企換裙，就過對面「味皇」買兩包出名既"蒜香炸魚皮"偷運入去"摻貨".........哇哈哈。

Annie個衰婆，連奶奶都玩；自己明明訂左皇室堡稻香，點左奶奶去灣仔集成隔離間稻香！害人地由銅鑼灣屋企行左過去，開埋枱至知攪錯，再行返老銅。哈，Annie，你真係病到混混沌沌；要罰跪算盤添啦(家法侍候)。

叫左個亞拉斯加大蟹Set：除蟹之外，仲有鮑魚仔，海蝦，兩款菜連鹹豬骨湯底........(一定引死呢個蟹痴Annie).......都係$198。抵就真係好抵，不過隻蟹ｄ殼勁軟，用鉗根本無作為，要出動較剪。

6個女人既戰鬥能力，係由7:30pm直達11pm........我有排都唔會再掂ｄ魚皮，超熱氣。