抽離







「一公升的眼淚」將會下星期日喺無記做，呢次一定喊死好多師奶；不過都係覺得套戲只會令我珍惜生命，唔知點解會咁催淚。

早兩晚飯局時講開，我自細個睇ET時喊過之外，印象中真係無試過睇任何戲會喊。

唔係人大個就對感情麻木，而係我學識抽離自己去睇戲。自己只係一個旁觀既第三者，而一套戲只係一套戲。唔代入就唔會喊得出；當然代價係亦都唔會太感動。

做人我都儘量學識抽離去睇一件事。因為用第一身去感受，永遠唔能夠客觀地作出判斷。而班女人最容易衰既，就係唔識得理性分析。

學元暢話齋：換個角度睇，對事有時會有新啟發。

如果未睇過呢套日劇既話，下星期日10:30pm鎖定TVB；強力推薦。