三分鐘熱度

典型雙子座特性，但係唯獨是我細佬將衰既一面發揚光大。

佢向馬會resign左，星期六last day埋，都預左佢又量一排地，再搵份都唔知又做得幾耐既工架喇。今日聽梁師奶講話佢最新既攪作係：同條女先結婚再帶埋佢返加拿大!! 大佬，咪玩啦。佢大哥當年UofT讀唔完走返黎，讀distant learning先至囉到個學士。根本又唔係加拿大U畢業，更無當地工作經驗；可以做得d乜呀？再者，我連佢條女係唔係U grad都唔知!(條女好似仲要每個月比錢返屋企架) 唔通諗住過去申請失業救濟？

當年兩老響多倫多悶左16年，佢自己話要返黎都算(因為我自己都係咁，唔話得人)；但家陣父母都為左我地返香港。老豆走左，得梁師奶響度。佢就話要返多倫多？!係咪玩野呀？？佢有無體諒過梁師奶既心情架？

兩老2004年臨返黎時已經賣左間house，梁生臨走前連層apartment都賣埋比阿姨；真係想問吓梁大少，佢想同條女住邊？

成日以為加拿大生活好悠遊，但又唔諗呢種舒適生活係因為有對錫我地既父母。出黎做野同讀書係兩個世界。

希望佢今次都只係齋talk，搵到份新工就不了了之。

好在之前極力反對下，梁師奶無衝動響沙田買樓；如果唔係又無啦啦多棟無謂既fixed asset.....

我都已經唔會再過問佢既野，佢鍾意點就點啦。