南亞+仙樂

Connie本來想上既瑜珈班因為公眾假期而取消左。所以臨時搵埋我，兩條女去禮頓道既「南亞」食晏。呢度雖然咖哩非常正，但我地結果點左比較少食既牛肉叻沙米，同呢度都一樣出名既海南雞飯。

南亞搬左黎新舖後可能無咁就腳，所以無以前舊舖咁長滿。而且海南雞份量真係細左好多。如果唔係要減肥，我真係想問Connie：不如叫多個咖哩黎share啦！









相請不如偶遇，同Connie坐巴士返北角，帶佢去皇都隔離既「仙樂」買韓劇。本來只係想買「宮」既佢，結果一入去就不能自拔地一手擸左4-5套響手。不過$30套DVD，又唔駛用BT download再加送花絮，如果真係好韓台劇既，簡直要定期過黎朝聖啦。

我尋日買左「宮」(因為家陣有睇緊佢套原裝漫畫)，今日買埋阿仔新出既「深情密碼」。不過點到要清左電腦download D日劇視頻先開喇。