硬銷












今朝惠氏攪每月一次既生日會時，做老人奶粉「倍力加」(Enercal Plus)既同事先侷我地聽佢sell隻產品既好處，數分鐘後入正題，就係要我地ｄ員工幫手推銷比親朋好友：每買6罐有9折之餘，個員工自己都有$50「趴街」coupon。咪玩啦，自己staff purchase都有7折，駛鬼為左$50 coupon而迫人買貴20%。

強制性聽完廣告之後，竟然仲要玩"試飲"！沖好左成壺Enercal Plus，分好多杯要我地每人整半杯。雖然我好鍾意飲奶，但最怕呢ｄ用粉開出黎既奶(因為細個被梁師奶強迫飲左好多年三花奶粉)。成日覺得溶唔晒好肉酸。個女同事捧到個盤過黎時，我唯有話：你今日時運高，睇我唔到！佢一呆後，就好識相地閃走。

咪以為咁就完，佢地誇到竟然連現場既甜品紅豆糕，都係用沖好左既Enercal Plus做成.......駛唔駛咁hard sell呀？