任賢齊 黃品源 「美夢齊源」演唱會












放工坐紅Van過尖東，同阿丁去「茶軒」隊個竹筒飯+牛肉麵餐；食飽飽先行過去紅館聽concert。

佢地兩個ｄ歌，我真係唔多熟。最熟都係任既"對面的女孩看過來"，同黃既"你怎麼捨得我難過"。

嘉賓？頂，咪得林雪(你無睇錯，係呢件二撇雞肥佬)唱既走音版"心太軟"！

Dancers唔多，好多時都係得佢兩個單拖響個台上面；個台設計亦比較普通。而且最難頂既係：歌同歌既間場時，播任賢齊之前既電影片段都算；任竟然當眾hard sell將會上既杜琪鋒執導，佢既新片，而且仲強迫我地用兩分鐘睇該片既trailer！大佬，就算「寰亞」同「東亞娛樂」係同一個老細林建岳，駛唔駛響自己concert度咁hard sell呀！

Encore時佢地兩個唱Beyond既"光輝歲月"做壓軸；話紀念香港人既拼搏精神，為香港既急速發展而應該自豪。但......點解要由兩個台灣人黎大玩"愛港"咁奇怪？