大潭水塘底翠華

今晚同卡生，Ellena & 佢ｄ朋友去左大潭水塘底間翠華，唔係有名既茶餐廳，而係燒烤場。

Ellena班朋友d名唔係太記得，我同卡廬士都係第一次見佢地。初頭成班都係女，後來黎多兩條仔阿卡生先至無咁"突出"。當然social係佢強項，我就好安樂咁密密燒。

真係大半年無燒過野食；對上一次係Daisy姐帶班同事去銅鑼灣紀律人員會所。其實燒烤我唔會食太多，但就enjoy燒既過程；同埋勁鍾意幫人叉野。因為ｄ姐姐仔真係好怕掂生肉，差雞全翼更加變成高難度動作。當然我呢個久經訓練既燒烤專才就會為佢地效勞啦。

環境幾好架，都叫做背山(水壩)面海。而且由柴灣地鐵搭的士去10多分鐘左右。食物醃得OK，因為係任食，可以帶外來食物。只開紅日同星期六日，平時就要夠20人至做。廖太們可以考慮。

今晚個月光雖然唔係太圓，都叫做賞左月啦。 http://glorialeong.spaces.live.com/