專業咖喱皇
既然老銅無正咖喱，同阿卡生過海去佐敦搵食。

本來佢想帶我去佢食過一間叻沙幾得既細舖試，但路過另一間比個店名吸引住：專業咖喱皇。本住試吓新野都無妨既心態，我地就行左入去。

個餐牌垃垃雜雜乜都有，大多加上"咖喱"兩個字。俄羅斯，意大利，印度等都有咖喱菜式，我懷疑其實都係用同一種咖喱，唔同既只係個名堂。




佢地推薦自創既"乾咖喱"，於是我地就試左個乾咖喱魚柳同意大利香草乾咖喱羊扒；一個跟飯，另一個跟薄餅。

魚柳比羊扒好食，因為後者只有咖喱味而毫無羊味，你話比我聽係食緊豬扒我都信！薄餅係最敗筆之處，硬之餘仲有好重既粉味，好似唔多熟咁。

主角咖喱比南亞既濃味，但我都係覺得叻沙會香ｄ。

佐敦後街都幾多野食，每間舖細細，有時人少既話，去酒樓食不如週街搵食"探吓險"。