45分鐘的"深情"對話

真係估得佢到就唔係我老細。

阿Paul放左成個禮拜假，你以為佢會上黎office佢就偏唔上。正當今日佢應該飛返去上海時，佢朝早就失驚無神出現。

咁神出鬼沒既原因，就係幫我同余經理做appraisal。

通常佢習慣先比你睇左份野先，入到去唔會逐個point再花時間講；有問題就自己提出。咁其實有問題都唔會等到appraisal先傾啦，所以都係門面地齋talk一陣。總括吓今年ｄchallenges，自己學到ｄ乜野。佢再比左少少明年既方向我地，份appraisal一直揭都未揭過。

不過呢一年一度既45分鐘"深情"對話，簡直多過我同佢過去一年所講既野加起黎。

2006年雖然生意難做，但順景時係唔會迫你諗ｄ新ideas；生意唔好先至會更睇緊自己盤數，同squeeze我地既creative juice。對我同余經理黎講，今年比過往幾年都學得更多。