巴東印尼餐廳

等埋剛剛由東京瘋狂血拼完返黎既奶奶，今晚同班廖太們幫一月份生日既阿丁同Annie慶祝。

唔想成日咁悶食迎囍，結果我地揀左明珠裡面既「巴東印尼餐廳」。

好耐都無食過印尼野。印象最深係巴東牛肉同醬蛋豆腐；當然屬於必叫之列。其他大部份都係揀ｄ無咁辣既就番佢地：小食拼盤，海南雞，沙爹，椒絲腐乳椰菜苗，炒蘿蔔糕，燒魷魚，海鮮雜菜同印尼炒飯。

雖然一張長枱難傾偈ｄ，但以我地8條女既聲浪，應該半間餐廳都聽得到。

奶奶今次送左個寫住"Japan 2007"，有白色富士山日出做背景既tumbler......同香港ｄ比，日本真係總有唔同主題既特色tumbler要你奉獻銀兩。

席間阿二更晒出佢DIY貼滿珠片既手機；哇哇哇，真係唔同佢影張相都唔得(部電話令我諗起路姐ｄ指甲！)

Cool Slideshows