惠氏請的團年飯

因為聽日下午約左五叔五嬸食晏，所以梁師奶改為望今晚6pm彌撒。

當然返得黎都費事攪，就開左冬至時公司送既罐頭鮑魚，同今次送既美心蘿蔔糕算數；所以呢餐團年飯都可以算係惠氏請既。

屋企一向都唔興d乜鬼做節，團年，做冬呢家野。細個時爺爺嫲嫲同住，初一叔伯們齊來拜年，初二就過公公婆婆度，初三又調轉跟住父母走訪叔叔伯伯家。而家過年就真係清閒好多，公公婆婆同四叔響外國，其他既變左拜山見。係今年五嬸返黎醫病，我先至新年多個節目。

狗年本應犯太歲既我，都覺得不過不失。豬年話屬狗既應該有桃花，哈哈，唔通真係要好似阿二咁，買條紅底過年？少來吧。黑既我就大把，紅既真係見到都打冷震。