看更

話說尋日新老細阿John循例要同我傾2007年Objective + Development Plan。佢見我得份Objective，想叫我囉埋份Development Plan入去傾，點知我既答案係：........今年未做.......

John(一愕)：咁用去年的吧。
我(有ｄ遲疑)：上年都無交........哈，不如用兩年前嗰份啦，應該無乜大變啫。

需知道一向阿Paul都唔睇個plan，我就借ｄ意偷雞唔做；搏連個HR都唔敢追阿Paul。

講到"Mobility"一欄，佢誓估唔到我一口就話我唔會考慮Relocate。因為我覺得以我年齡同學歷背景，如果唔將個底線話比佢聽，會有機會調去邊鬼度學野都不足為奇；無謂到時至推話一場誤會啦。

John奇問：你唔會考慮內地嗎？市場大好多喎。
我：老實講，你叫我去台北，我都唔願去上海啦。台灣人話晒都斯文ｄ，內地人教養真係有待改進。你而家酒店響銅鑼灣，見到班"自由行"既舉止，都應該明架。I really like my job, but apart from work, I still got a life to live.......

雖然對剛由台北調過去上海既老細面前，咁單刀直入地踩大陸有ｄ唔好意思，但小弟一向講野都唔會轉彎抹角。

John(再試探)：咁其他英語國家呢？
我(唯有笑笑口)：我當年加拿大一畢業就仆返黎，係因為我鍾意住香港之嘛！而且我老豆已經唔響度，我都relocate埋，掉抵個阿媽都唔掂啦(當然唔敢再提埋，另一個好放唔低既係烏烏，否則佢一定比我激死)。

整個傾談session完結時，John都仲係話無諗過我完全唔考慮海外發展。

睇怕佢諗都無諗過，單身寡女既我，竟然係一ｄ上進心都無既「看更」。