惡作劇之吻宣傳

無記翡翠台星期二開始早上播呢套去年熱爆台灣既偶像劇(當然我早就睇晒啦)；下午3點響荃灣愉景新城做勢宣傳。由地鐵站行去商場既冷氣通道兩旁，都分別有呢套劇，同尋日剛黎過又係為偶像劇宣傳既小美大型海報。

之前見過元暢兩次，香港機場禁區內更是要幾近有幾近；簽名握手都試過晒(阿丁甚至同元暢合照過添，勁)，今次真係純粹黎支持吓。反而女主角林依晨既真身就第一次見，我鍾意佢多於楊丞琳，因為依晨較自然唔造作。

商場少說都聚集左3-400人，估唔到從未響香港正式現身既兩人，都有唔少粉絲。

兩個司儀撐到3:30pm，兩人先出場。雖然人多又個個舉機，但元暢6呎4既身高，唔難spot到佢既大頭。今日佢著左黑色西裝褸拼牛仔褲，好型^^

遵例問幾輪好"行"既問題，抽fans上台玩兩個低能遊戲，就中場休息。之後再同30個比無記抽中既fans簽海報，握埋手.......兩個小時既節目就完成喇。簽名途中鄭大頭仍然係一貫作風，不時搶咪同fans發嗡瘋。

我就明知呢ｄ場面，迫埋去仲比人遮住睇唔到，行後少少反而可以不時見到大頭既笑面。

聽日雖然佢夜機返台灣，決定落機就去佢既飯堂「一風堂」黎個咖哩炸豬排飯，順便探探笑臉迎人既老闆娘。