b記開倉

一向鐵價不二既Agnes b，首次響Sogo 21/F攪個50% summer sale。本來打算放下晝，都改左放朝早去哄一哄。

約左同樣放假既Debbie結伴去掃貨，10點鐘開門，9點半已經大排長龍。早到既Debbie先排，我去到見到奶奶排後面，就梗係拖埋佢一齊啦。如果第一輪上唔到去，真係下面有排等，要有人走先有得上喇。

當然係大賣場feel，亦到唔好expect有今季貨。全場半價，波鞋甚至低到$200對(原價$1080)，有心機揀都會執到好野架。

一行女裝，一行男裝，一行袋；第一次見b仔記d貨堆到似九龍城七記。周圍有好多掛衣架有恤衫，褸同褲。Wallet同鞋既counter係最人聲鼎沸，真係同去搶無分別。
做左個幾鐘師奶，排隊比錢都大半個鐘。好彩有Debbie陪，傾住偈無咁悶。

戰利品？黑絲絨短jacket($345)，黑印花tee($275)，灰藍星星tee($225)，墨綠長袖樽領tee($395)，黑中型tote bag($540)，b x Le coq sportif淺啡波鞋($200)。

一個上晝，仲累過返工。