美食博覽會
一大早約左Connie & Jeffrey到會展睇美食博覽。尋日響7仔買定飛，準10點入場。Hall 1&2初頭唔算多人，幾好行架。

入到去當然分頭行動，我就帶左日本買既"戰袋"掃貨。因為唔會響屋企煮食，所以平時最多人抬既麵同湯料，我一概唔會瀏覽。有興趣既，當然係日日常伴左右既零食啦。
試食當然有，甚至連Wine Tasting Counter都有添，但大排長龍既一定唔好預我；2-30人響金蘭counter排隊去篤隻冬菰，駛唔駛呀？!
Hea左個多小時，滿滿一袋口立濕，外加3小枝「沙嗲王」XO辣椒醬。

樓上Hall 2A原來有更多韓國同大陸既攤位。喜出望外既係平時餐館飲要$100枝既「天菊」(韓國酒)，家陣$80兩枝外加增品；當然二話不說買左啦。









11:30am開始人多，甚至有ｄ帶左拖喼有備而黎，我地都差不多收工。Connie就真係意料之外地收穫豐富，淨係藍莓素同慮水芯都$2000多，不過打既折扣值回票價啦。