久別迎囍

都好一段時間無黎，12月份幫Daisy & Molly慶生，無乜好諗頭之際就舊地重臨。

以前超抵既$1388套餐，家陣由乳豬全體變拼盤，又由一大條東星班變兩條海班(要東星需外加$400)；變相加晒價。

就連最唔起眼既壽包，裡面鹹蛋黃都係"神龍見首不見尾"(即啄碎到只見少少蛋黃油，有蛋黃香但無蛋黃形)。

上菜又超慢，平均每味都隔十數分鐘先上，同以前既一輪衝風上菜方式，簡直天壤之別。

臨近大節，都係唔好食中菜。