除夕邊爐

大除夕夜如果唔想比人掠到一頸血，都係唔好食西餐。所以約左今晚既飯腳：Shirley, Charlotte & Annie去灣仔「譚魚頭」打邊爐。

天寒地凍特別應境。

因為訂左位，所以8:30pm去到都只係等左一陣就安排左我地上二樓。

呢度無醬油供應，因為比左兜"秘製"調味等我地加少少湯底黎點既。鍋底叫左清湯野菌皇煲，雖然叫清湯，但名不符實，因為食落非常鹹。

食物味道唔夠「謙記」新鮮，不過我地都喪點：美國肥牛，羊肉片(勁厚切)，四寶丸，潮州魚蛋x2，奶皇水晶包(厚皮)，冰豆腐，竹笙，芋絲，炸魚皮，唐生菜，唐蒿，菠菜，豆苗，出前一丁......犀利！

磨到11pm我地先埋單，施施然行過海旁。