外型vs內餡

今次真係魚與熊掌。

一直想換部白色摺機，但家陣白色手機買少見少；珍珠白更加難求。

瀏覽Sony Ericsson網站，對住兩部將推出手機大流口水：外型Cool爆既W980i，同埋500萬像薄身機C902i。

輪外型，W980i簡直贏盡我心；摺機加piano black外殼，key board夠大易按。不過walkman function唔係我杯茶，內置8G都係咁話。相機雖然都有300萬像，但無自動對焦亦無閃光燈。














如果以我日拍夜拍，手機用黎做相機back up既話，薄身既C902i應該更岩我。













理性上我無理由唔揀C902i，但......W890i真係好靚呀。

真係好似揀個靚仔但性格唔多夾，定係相貌平凡但細心體貼咁難取捨既人生交叉點問題。

不過兩部都係"將會推出"，到時睇實物決定啦。