粉紅台版Sharp T92

剛由台灣返黎既Charlotte，今日day off過黎搵我lunch；帶左佢行過去「囍點」同埋班同事一齊食，因為人多好食作，可以試多幾味：雞粒荷葉飯，蠔仔肉碎燴飯，XO醬鮮魷炆鴛鴦米，瓦砵南瓜蓉焗烏龍麵，薑荵魚雲煲，梅菜雞粒豆腐煲，黑醋炸魚塊，麵豉醬白菜仔，野菌魚湯油麥菜，同一煲老火五果煲魚例湯。

Charlotte特地飛去台灣買左同我同型號既Sharp手機。粉紅台灣限定版，確實係靚；阿二一定流晒口水。而且無鎖MP3鈴聲功能，唔係好似我部行貨機只可以用正途download既MP3鈴聲。

終於都等到佢買左同型號既Sharp，因為明知道Charlotte一定會鑽研點樣轉檔去mpeg4，可以用部高清手機螢幕睇片；哈哈，多謝晒個software呀。