金山姑姐

長居美國德州，同樣係藥劑師既姑姐，自從姑丈年前肝癌過身後，努力尋求生活樂趣，連油畫都學埋，又話要寫自傳(都唔知有無讀者)。尋晚到港展開3個星期旅程，剛置業既堂妹好抵得諗地，一收樓就比姑姐住新屋。

新屋係.....梁師奶對面.....新都城第二期。

尋晚臨急幫堂妹搬d必需品入去，今日下午陪姑姐到商場Pacifc Coffee下午茶，再約埋五叔及堂大佬一家大小到隔離「香辣屋」晚飯。一睇個地點安排，當然係要就呢位"萬大以小為尊"既梁烏烏啦。

梁師奶一向唔多鍾意姑姐，可能大家年齡相若，成日覺得人地係同自己比較之故；但人地住咁近，呢三個禮拜多見面就預左喇。對我黎講，姑姐同我d舅父阿姨一樣，無親疏之分，只有客客氣氣。

人人都話我個樣似姑姐，真係？不過我到佢個年紀，一定唔會電爆炸頭。(都唔明白點解女人年紀一大，差不多個個都想扮非洲黑人)。