又係中央圖書館，又係「火車頭」

自上次去完中央圖書館既Health Talk幫手，一支公去浣沙街「火車頭」隊碗特大招牌牛肉湯河後，對個超濃牛湯底同滑不留口既河粉念念不忘；所以今晚又要去Health Talk之前，約埋Michael，Johnny同細Dee去encore。
見識過上次個份量，今次收斂d只係叫左個size正常既"生熟牛肉河"。但你地可以見到Michael碗招牌河既比例......個碗大個塊面呀!!!
人多好食作，叫埋大蝦柚子沙律，馬拉盞炒通菜，同埋越南滴滴咖啡。咖啡非常香，但我就嫌練奶略甜，而且等佢滴得黎個咖啡都唔熱。