迷失將軍澳

哇哈哈，我個金山姑姐今朝竟然鬧出個笑話：

話說未完全熟路既姑姐，落樓早餐後，誤闖梁師奶住既新都城3期，以為係佢住既2期。

因為大家都係同一發展商，無論顏色/平台花園設計/電梯大堂都頗相似，佢不虞有詐地照去同一座數上樓開門.....咁你去用鎖匙"撬"人地大門，當然會被看更發現。

返緊工既堂妹收到管理處電話：梁小姐，有位太太話迷左路，唔識返屋企喎。

在旁既姑姐立即搶去電話求救。

擾攘期間，碰到梁師奶路過，立刻如見救主搬撲過去.......哈哈哈哈!!

雖然恥笑當時心情極沮喪既姑姐好似有d無良，但聽罷好難唔會心微笑喎。