大戶屋

康怡吉之島新裝修後，新開既日本料理。

初頭12pm都人山人海排晒隊，係而家人流回落左d先的起心趕過去食晏。

今朝應付完麻麻煩煩既美國GCA(Global Compliance Auditor)，Kerry鬆一大口氣；緊張左兩日心情放鬆胃口果然大開。嚷住要試試上星期"飲食男女"介紹既滑蛋豬扒飯，平時食乜都只係半份既佢，竟然埋頭苦食刷晒，可想而知個audit對佢心理壓力有幾大。

講真，豬扒就真係唔夠世貿中心「とん吉」做得咁出色鬆脆，反而蛋醬夠濕，飯亦唔會過多剛剛好。

另外既花魚定食雖然大條，但鹹味唔夠，所以燒起黎無咁香口。

整體偏貴，都係老好城市花園既飯堂自然派(改名後既「順壽司」)抵食兼有水準。