淺草：掃街篇

買手信就無乜，反而係行到邊，食到邊；個咀同個胃到未停過。

抹茶軟雪糕 - 於綠茶專門店購買既，感覺特別足料

銅鑼燒 - 有機器新鮮即製即個別入袋，內有紅豆蓉餡；小巧的適唔會太甜，最緊要係仍然熱辣辣

甜酒 - 日本新年特飲，熱既甜味米酒；味道頗似上海酒釀

燒餅 - 新鮮塗上醬油即食，係「旺旺」不能比美

團子 - 即日式燒年糕；第一擋阿伯伯幫我燒翻熱，暖暖軟軟極香燒醬油味；第二檔阿嬸就連翻熱都懶，又凍又硬，簡直雲泥之別

菠羅包？？？你無睇錯，的確響淺草寺旁，有間叫「花月堂」既老店，名物竟然係貌似足球既菠羅包。內裡裝修簡直似時間倒流70年代。菠羅包又香又軟熟，就算連店內既"每日限量200個"既蘋果派都給比下去。臨離開前，連門口既玄米味軟雪糕都唔放過；如果唔係食左咁多，真係心思思想連隔離既味噌軟雪糕都一拼擺平埋呀。