工展會

去年跌眼鏡地業績唔錯，所以今年encore再攪。

襯下午要去睇睇Centrum同Caltrate巨樽響銅鑼灣企街，所以早少少落去工展會打個白鴿轉。

真係估唔到，weekday下午3點多都人山人海，到底是否咁多人唔駛返工？

我地今年個booth無去年既轉角位咁當眼，但見人流唔錯，希望經濟低迷下，唔好太影響銷情啦。

對即食麵或湯包醬油毫無興趣，所以都係買左成世女都未食過既雞仔餅，同埋去農甫個booth度買左兩隻即炸"糯米雞翼"返去比梁師奶；當然返到去都已經唔脆，但$28隻又確實比堂食差不多平一半。