香濃魚湯底邊爐

約左Connie，Jeffrey同朋友Joe及Josephine去銅鑼灣謝菲道「漁府」試新野。

地方唔大，唔夠十張枱；裝修亦無Openrice相片影得咁骨緻。

雖然紅衫魚加羊(取其"鮮"字)湯底係店內推介，但$188實在有點貴，所以退而求其次，叫個$58既鮮魚湯底，一樣香濃。

美國雪花牛肉，內蒙古羊脾肉片，脆鯇魚片，珊瑚蚌，桂花蚌，魚腐，高麗餃，豬皮，柏葉，皇帝菜等......碟頭唔大，但食材算新鮮。

每人頭獲贈鮑魚一隻，可打邊爐或鹽燒，我地個個都揀後者。

剛巧返香港開conference既Annie臨尾都趕黎露個面，雖然短短半小時catch up，以聽日早機返上海既佢，都算十分賞面。