阿二壽宴第一擊：一門

點解係第一擊？因為下星期廖太們會有第二擊。通常兩班朋友同時識得同一個人，都會出現生日飯multiple咁黎慶祝。

新年大家食中菜食得飽飽滯滯，去銅鑼灣黃金廣場4/F既日式居酒屋「一門」食d無咁heavy既野：

招牌作：厚燒玉子($38)，後來encore多個雜菌厚燒玉子($46)；蛋軟滑少少濕，水準之作。

凍豆腐($38)，一門沙律($48)，鹽燒牛舌($25x2)，鮮帶子煎薄餅($55)，香菇牛腩($48)，生薑豚肉石頭燒飯($58)，餃子($40)，雜菌義大利粉($65)，燒茄子($38)，燒雞軟骨($20x2)。

每碟份量少少，叫極都未能盡興；無進攻甜品menu，因為廚神Marinda炮製左個Opera比嚐甜既壽星女。(再：多謝晒大福曲奇，同埋自家製炸銀魚仔！)