悶極無聊Look

好幾位朋友都問起烏烏近況。

佢情況有進步，行得比上星期穩。不過今日off止痛藥，聽日off埋muscle relaxant，所以要睇多幾日痛楚有無翻發。

呢幾日講真點都有點忐忑不安，每次踏入梁師奶屋前都唔知佢情況如何；真係返工都無乜心機。

未受傷前已經長毛要沖涼既佢，再拖多兩個星期，加上呢幾日又熱又潮濕，可想已知佢有幾唔舒服；好彩今日幫佢沖開涼既姐姐家事纏身都抽空黎幫佢沖左個涼，連日黎既酸粟味一掃而空。

仍打算多關佢幾日籠觀察，唔再痛先慢慢逐步比佢重拾自由。