快餐價，抵！！

自從阿烏受傷後，都好一段時間無見廖太們，襯梁師奶今晚飛起我，call佢地出黎一聚；不過應該今日係唔多好日，個個唔係撞期就係病，所以最終只係4條女既小型聚會。

既然稻香做緊"$1雞"(貴妃雞)推廣，一試無防；雖然唔算好大隻，但肉嫩有雞味，一d都唔欺場。

其他用DBS卡有88折：蝦干野菌雜菜煲，梨山醬汁肉排，海蜇拍青瓜。

加多兩個白飯，埋單都係$177.......位位$44。

雖然埋將死人單都等成15分鐘，差不多要拍枱起身走人，但阿二聽到個價：咁抵，平過去大家樂食呀，應該多ｄ黎幫襯。

仍然有點火遮眼既我：好心你有少少骨氣，無謂為$44折腰啦！