抵過快餐店既Lunch K

賤物鬥窮人，Neway唱Lunch K有6折，都係$30+食個Lunch加杯drink，可唱到3pm；抵過你去大記或美心。

約左林家姊妹同巢大小姐去尖東港晶Neway，雖然唔好期待食物質數有乜驚喜，但都唔輸快餐店。

巢大小姐除大唱Hotcha外，新歡阿GEM都朗朗上口。

好彩新增左周董去年隻碟d歌如"蒲公英的約定"/"彩虹"等，同小豬既"幸福不滅"，我都未至於一再唱老歌。

最嘔心係小肥同傅穎翻唱左"命中注定我愛你"既片尾曲"心願便利貼"，叫乜鬼"畫紙上的戒指"，撞鬼，好sweet既一首歌攪成咁，應該係填詞既錯。