水準急降既$1388套餐

今個月係小麥同Virginia生日，唔計忘記左飯局既阿丁，都有十位廖太出席；人多都係返去老地方：皇室堡迎囍食呢個$1388套餐。

雖然價錢無變，但水準就大不如前。隻乳豬全體，橫睇掂睇都係無左個pet(估計應該係偷雞拿去當例牌賣比人)，帶子色澤暗啞唔新鮮，扣鴨掌雖然稔，但就削左好多。荷葉飯飯粒短而無口感，內裡既煎蛋皮更加暴露左佢同聖安娜早點係同一貨色(希望唔係人地早餐賣淨貨啦)。

反而由原條東星雖然縮到變海班，蒸既火路都保持到剛剛熟。

但其他菜色咁既水準，應該都會有排band囉。