稅單新項目：RSU

RSU：Restricted Stock Unit。

以往惠氏年終會派發認股權(Stock Options)比經理級員工，如果股價跌，大家都唔會exercise，同牆紙無異。

三年前公司豪氣左，發放RSU，即惠氏實股，只要發放後等三年，就可自行賣出套現，屬無本生利。

HR雖然早已準備好今年申報薪俸稅既Summary，但早兩日又改口話我地有RSU既人，今年無論有無賣出，都要報稅。

應報當然要報，但唔明既係：今年無賣出，但要我地當花紅一部份用發放當日市值去報，如果幾年後先賣出，賣價當然有升有跌。升左要再申報盈利，但跌左是否要問稅局回水？？

而且由今年開始年年報，但年年發放既價都唔同，如果若干年後一次過賣晒，我點計得番每年既差價？

最最氣人既係，公司HR只係話要我地加埋去報稅，但又無打算提供個briefing session比我地教我地點做；大佬，雖然公司比股票我地係好事，但都唔可以淨叫你要報稅就由得我地自生自滅架。乜呢d唔係HR份內事咩？到底只有我呢個"問題中女"滿腹疑問，定係其他Managers既悟性真係咁高，完全知道點做？