交功課

早前城市大學Marketing應介畢業生分別present過Centrum同Caltrate唔同銷售渠道既shoppers insight，經過我地既Q&A後，尋日兩組同學特地拿做好既presentation過黎惠氏交功課。
哇，3大本bind好既硬皮作業，A4 size，本本都成吋半厚，異常墜手；原以為每份只係頂多50頁既野，佢地竟然可以撐到數百頁........同學，貴精不貴多呢個道理，阿sir上堂無教既咩？

佢地上黎交功課都要個個男既西裝女既套裝，攪到企埋最casual都係我。

既然你地玩到咁大，我都唔可以拿西，下個星期會devote一個下午"埋頭苦讀"，認真地評分。