懷舊F4演唱會

稱好耐無唱K既Charlotte，我同阿二就9pm去信和Neway book間K房等佢唱個夠。其實turns out佢睇飛輪海MV多過自己拿咪唱。
變身上海人既Annie，難得週末返左香港，所以晚飯後都趕過黎同我地聚一聚。

同佢地出黎唱，相比起巢大小姐喪唱Hot Cha同GEM，近乎係台灣歌既世界；基本上全晚只係唱左兩首廣東歌咁大把。甚至臨尾30分鐘，狂點當年大家都背得滾瓜爛熟既F4熱唱：流星雨，煙火的季節，絕不能失去妳.......我唱Can't Help Falling in Love with You時，一句：首歌令我諗起當年發神經地排隊去佐敦Bossini買史迪仔tee，就係為左張F4 poster.....阿二差d噴出黎。

不過Bossini同S&K都係小事，當年供奉百事既錢至真正利害，為左佢地，一個夏天，倒掉50多罐百事落sink盤先誇張。屈指一算，成8年前既事，雖然好癲，但好懷念。