半價韓食

阿二收埋張「新羅寶」$500 coupon，4月30號expire；咁急趕都約到Upjohn班女出黎，算係異數。

因為要食滿$1000先用到，為免唔覺唔覺叫凸晒，所以都係對住個餐牌計好點左既多，埋單剛好半價落樓，位位一舊。

煙牛肉脊片拌雜菜($240)，鮮蠔仔煎餅($98)，炆牛排骨肉($130)，炆豬排骨肉($95)，石鍋雜錦飯($110)，鮮牛肉鍋自製麵($230)

份量明顯比之前細左，而且味道一般。最唔掂係個蠔仔煎餅，粉開水太多，唔夠乾身。炆牛/豬排骨個汁好味，但唔明蘿蔔有乜咁矜貴，碩果僅存一舊，仲要係細如馬蹄。

值得一讚既係牛肉鍋麵湯頭鮮甜，麵質亦彈牙。

服務亦都"不怎麼樣"，如果唔係睇張coupon份上，寧願去金百利既「金羅寶」好過。