露姐"蠔食"生日飯

早幾天生日既露姐，襯佛誕呢位村姑可以早d出黎，連同卡生去Su Casa同佢慶生。









週末最唔好既地方就係分兩輪，結果我地早到6:30pm開餐。因為計埋$100一枝corkage fee都係自己帶酒去抵d，所以我地三個人各帶左三枝酒上去隊：Moet香檳，Oyster Bay白酒，Los Vasco紅酒；不過老板娘可能唔多高興我地唔比佢賺，審視枝紅酒時面口尤其晚娘臉，學露姐話齋：我地帶枝孖精上去你都要開架啦。









生蠔拼盤($328)係必點，嘗蠔既露姐，encore多兩隻Irish Gigas；翡翠螺尤其大隻彈牙。半隻加拿大既登爵尼斯蟹($220)其貌不揚，但份量唔算細。
蠔湯($50)同智利紅椒魚湯($50)頗creamy，但個香煎蘇格蘭蟶子皇($60/pc)雖然口感唔差，始終唔夠熱。
鴨肝野菌扁意粉($150)今晚有點失色，落油實在重手左ｄ。