一不離二

電器壞開有條路，一個月前電腦細房部窗口機摩打壞左，靠客廳冷氣吹到入去頂住先。

上星期洗衣機個門鎖燒左，花左近$800又檢查又換埋接觸唔好既開關按鈕，暫時可頂多一陣。












今朝就輪到客廳部窗口機漏水，一路滴到機下既牆壁都甩灰。冷氣我就費事再花$210叫師傅上黎檢查啦，反正11年機都差不多夠期退役，恨下心腸到豐澤花$5371連買兩部冷氣機，下星期二送貨，星期三安裝。

個個師傅都話家陣無論平貴電器都好易壞，唔駛花太多錢買貴機，所以我都係捨棄用開既日立小涼伴，平平地買金章牌。電腦房唔常用兼面積細，由1匹下調到3/4匹，客廳維持1匹半。

希望其他電器生生性性，同我捱多一兩年先好作反。