邊爐賀壽

生日工作仲忙過平時，朝早繼續個不之所謂既SAP testing，匆忙飛的去酒店接埋Regional Regulatory Director Glenn到沙田馬會，同中大幾個骨科教授及講師食餐味道一般既政治飯(連最近上鏡律甚高既莫醫生都過黎打招呼寒暄幾句)；飯後會議一個接一個，收得工都差不多7pm。
咪講笑，趕出去同阿二及Upjohn舊同事們到灣仔「譚魚頭」打邊爐。Marinda私人醒左一小包手工朱古力曲奇，同埋怕我唔知乜野先係極品生腸，特地到中環有名既燒臘店「華豐」，買左盒較一般淡色既生腸比我地試。雖然好味，但怕膽固醇關係三數舊就要收口。









好耐無打邊爐既我，印象中用料新鮮既「 譚魚頭 」，水準有點大不如前。極唔掂既要數厚過紙皮既美國肥牛($68)同粉多過料，食落唔彈牙兼口感似煲湯淮山既蝦丸拼墨魚丸($58)。
新品有片得薄而食落爽口既"翡翠窩荀"($18)，同"土豆[即薯仔]卷"($18)；以及大如顴頭，外面豬肉包住鵪鶉蛋既"鳳懷龍胎"($30)。
得個樣，小辣既四川口水雞($38)