隱閉海鮮小館

做facial時Erika推介隔離街呢間唔多起眼，但唔少街坊同OL都會幫襯既海鮮店：金凱鮮庭。

炮台山地鐵對面，麥連街(即成報大廈轉入)。主打各式凍蟹外賣，如嘉菲蟹，訓覺蟹，加拿大蟹等，大約$180-$225一隻；風評好OK，而且燉湯，海鮮飯(如蟶子皇，蒸元貝，蒸班球/頭腩，焗龍蝦配白飯或伊麵都係$48-$78，價錢好合理)。

越聽越肚餓，做完facial就過隔離一探虛實。

店舖好細，得4張細枱，但有紅白酒供應，$128-$228，唔算貴。唔收加一更加係誇啦啦。

個雪櫃有十多廿隻凍蟹，燕瘦環肥一應俱備；但一個人無理由order整隻蟹黎隊咁過份(雖然隔離有位叔台真係咁做)，所以先試個豉汁班球飯($48)。

石班肉好新鮮，但唔算多；豉汁蒸得好香。

搵日一定要約三數隻飯腳再黎大快朵頤。