闊別廿年的老表

姑姐有三個仔女，今次佢同大女一家去台灣，順道經香港，雖然ad hoc一d，我同梁師奶及堂大佬Benny都有出黎食飯同佢洗塵。

大女Michelle係比我大4個月既表姐，竹星妹自細響Texas大，小時候爺爺嫲嫲在生時，姑姐帶佢地返香港時會見得比較多，足足廿多年無見過佢囉。考左個教育學位，早早嫁人一生就係3件，家陣搬左去加州狄士尼附近住。個樣真係無乜點變，同我小時候既印象差不多。

後日佢地一家會再去台灣，住淡水附近比d小朋友學國語；所以大家無乜野傾都理應出黎碰一碰面。

食飯地點毫無新意地選響方便堂大佬泊車既跑馬地紀利華木球會(CCC)，2/F中菜廳Dragon Room。地點確實幾靚，而且聽講價錢合理；當然堂大佬簽單實即有幾合理就無從得知。除左條魚蒸得有點過熟之外，其他都唔錯。可惜呢度係會員制，否則廖太飯局多個好選擇。