Encore的美食

雖然今次台灣三日trip試左好多新野，包括埋住既酒店；但都有幾樣唔想錯過既美食喺上機前作臨尾衝刺：

阿宗麵線，自從發現Sogo旁間分店有冷氣有位坐低食，經過點都想整番碗；所以嚴重減低我之後去師大夜市既戰鬥力。

鼎泰豐。最後一day的早餐，10點前去到都要等位。小籠包(NT180)，A菜(NT150)，同埋勁鮮甜既沙筍沙拉(NT220)；初初都懷疑點解十來粒筍會貴過小籠包，但當你咬下第一口嚐到筍既甜味後，無話可說。

同埋新出左一系列既小籠包手信，非常cutie：煙包行李牌memo夾，阿二同Charlotte都有進貢左。

冰館，朝早唔食得生冷既阿二望住我同Charlotte表演。

芒果草莓冰(NT160)/新鮮芒果奶酪冰(NT180)

永康牛肉麵，門外裝修過，但裡面依舊。首次黎既阿二揀招牌"紅燒牛肉麵"(小NT160)，我就嫌太濃味而且太油飲唔到d湯，寧願要"清燉牛肉麵"(小NT180)可以嚐清楚炆到入口溶化既黃牛鮮味。

西門町三兄妹。白玉苦瓜蜂蜜(NT45)係必飲，順便清請熱氣。另外新加左呢兩年勁興既雪花冰，坐低試左個"紅豆+純抹茶雪花冰(NT80)"，紅豆勁多，但底下既抹茶雪花冰嫌刨得太散，唔夠一層層。