澳門半日遊－食篇

為左去睇飛輪海演唱會，同阿二，Shirley/Charlotte兩姊妹及佢地阿姨過大海。大半日的行程裡，時間太趕無乜試過新食市；希望特地跟我地過去既Shirley唔會太失望。

因為演唱會場地響「威尼斯人」，第一次坐去氹仔碼頭既金光飛航船。無余經理形容得咁拋，但係個碼頭真係似一片爛工地，而且澳門機場近在咫尺，一出黎就見到架飛機。



官也街，黎得呢條食街，當然會去「誠昌飯店」食出名既水蟹粥(大，MOP$125)，同埋推介既椒鹽鮮魷(MOP$60)及鮮炸墨魚丸(MOP$60)；但個瑤柱扒生菜(MOP$48)就有點搵笨。









飯後小食，係「晃記」的肉切酥









同埋街尾有80多年歷史的「莫義記」原味大菜糕及木糠布甸









位於盧家大屋隔離既Lemon Cello Gelato，味道比香港豐富；我點既係奇異果拼白桃香芒($25/Double Scoop)









水準大不如前既義順，凍燉蛋/奶都只係微涼，阿二個菠蘿冰食而不知其味，應該係我最後一次幫襯呢間野。

凍雙皮燉奶($16)，凍紅豆雙皮燉奶($18)，凍冰花燉雞蛋($12)，木瓜鮮奶($18)，菠蘿冰($14)，豬扒包($14)