宜蘭-冬山河親水公園

好人到爆既舊老板阿John做左一整日導遊，冒住日前淹水既危險，帶我去聽過好耐，但從未踏足既宜蘭。

以為要駕好耐車，原來世界第五、東南亞第一長，近十三公里既雪山隧道開通左之後，由台北去宜蘭只須40分鐘。唔係講笑，真係駕十分鐘車到未出到黎。

整日天陰陰，好彩並無落滂沱大雨。可能新聞報導淹水的情況，雖然係週六，但遊人稀少。

先到冬山河親水公園拍低架車，乘小船沿筆直既河道遊河。

身後紅色的係有名既利澤簡橋；河道兩旁分別係"青龍岸"及"黃龍岸"。夏天會不時有划艇活動。

碼頭旁有可愛既飼料機，可買黎到河邊餵鴨；原來鴨同阿烏一樣，識得擺尾討好，哈哈。